जिल्हा परिषद उर्दू शाळा शिरखेड येथे विद्यार्थ्यांची “विज्ञान जत्रा”

जिल्हा परिषद उर्दू शाळा शिरखेड येथे विद्यार्थ्यांची “विज्ञान जत्रा”

 दरवर्षीप्रमाणे जिल्हा परिषद पूर्व माध्यमिक उर्दू शाळा शिरखेड येथे दिनांक २६ जानेवारी २०२० रविवार रोजी सकाळी ८.०० वाजता शाळा व्यवस्थापन समिती अध्यक्ष श्री.शेख.फारुख यांच्या हस्ते ध्वजारोहणाचा कार्यक्रम पारपडला.तद्नंतर शाळेत स्वयं निर्मित टाकाऊ वस्तू पासून तयार केलेल्या झिरो बजेटविज्ञान प्रयोग शाळेचे “विज्ञान जत्रा”या उपक्रमाच्या माध्यमातून प्रदर्शनी लावण्यात आली.

 विद्यार्थ्यांनी सर्व मान्यवर व ग्रामस्थांच्या समोर सादरीकरण केले तसेच

विविध साहित्य व खाद्यपदार्थांच्या मदतीने प्रत्यक्ष प्रयोग करून दाखविले.प्रयोग पाहून उपस्थितांनी प्रश्न विचारून वैज्ञानिक संबोध सुद्धा समजून घेतले.गावपातळी वर घेण्यात आलेल्या या नाविन्यपूर्ण उपक्रमासाठी समस्त पालक व मान्यवरांनी मुख्याध्यापकासह सर्वशिक्षक व विद्यार्थ्यांचे कौतुक केले.गावातील इतर सर्व शाळांचे शिक्षकांसह विद्यार्थ्यांनी विज्ञान जत्रेला भेट दिल्याने कार्यक्रमात अतिउत्सहात्मक वातावरण होते.या कार्यक्रमात विद्यार्थ्यांचा उत्साह, त्यांची कल्पकता, प्रयोगांची विविधता व दर्जा, ग्रामस्थांची उत्सुकता आणि उत्स्फूर्त प्रतिसाद आणि त्यांची शाळेबद्दलची आपुलकी सर्वच कौतुकास्पद होते.

या कार्यक्रमाला मा.श्री.प्रमोदराव बोबडे उद्घाटक, सौ.सुनंदाताई तागडे(सरपंच,शिरखेड) अध्यक्षा तथा सौ.अश्विनी पवार(ग.शि.अ.मोर्शी) प्रमुख अतिथी म्हणून लाभले.तसेच श्री.विकासराव तट्टे(उपसरपंच), युनुस खान मोहम्मद खान, गजानन तेलमोरे, सौ.शिवकन्या ताई खराते, खलीलअहमद खान, जाहीर खान, मो.सादिक, शेख.जमील, अविनाश खराते, शाळेतील शिक्षक मो.रिजवान सर, मुशताक शाह सर, सीमा अंजुम मैडम, व इतर पालक उपस्थित होते. कार्यक्रमाचे प्रास्ताविक मुख्याध्यापक श्री.मो.मुजाहिद सरांनी तथा संचालन शकील अहमद सरांनी केले.