यशवंत व्हा !  किर्तीवंत व्हा !!

आजचं युग हे स्पर्धेचं युग म्हणून ओळखलं जातं. ही स्पर्धा जर निकोप असेल  तर नक्कीच विद्यार्थ्याच्या विकासास पोषक ठरते. आपण जाणताच की, कुठलंही क्षेत्र असो, सरकारी अथवा खाजगी, वैद्यकीय अथवा अभियांत्रिकी - स्पर्धा परीक्षांना आता पर्याय नाही. योग्य उमेदवार निवडण्याचे  ते महत्त्वाचे साधन ठरते.

त्यामुळे आता हे आवश्यक झालं आहे की, या स्पर्धा परीक्षांची ओळख आणि सराव हा प्राथमिक शाळेपासूनच सुरु व्हायला हवा. अशीच शालेय जीवनातील  एक महत्त्वाची स्पर्धा परीक्षा म्हणजे जवाहर नवोदय विदयालय प्रवेश परीक्षा  होय. ग्रामीण भागातील विद्यार्थ्यांना गुणवत्तापूर्ण शिक्षण मिळावं या उद्देशाने ही विदयालये केंद्र शासनामार्फत कार्यान्वित आहेत.

कुठल्याही स्पर्धा परीक्षेत यश संपादन करणे म्हणजे एक दिव्यचं,नाही का? हे साध्य करण्यासाठी आवश्यक असतो तो सराव , योग्य मार्गदर्शन आणि यश मिळविण्याची दृढ इच्छा. आपल्या मोर्शी तालुक्यातील जिल्हा परिषदेच्या शाळांमधील चिमुकल्यांनी  हे साध्य करून दाखवलंय . चला तर मग ह्या सर्वांचं अभिनंदन करूया !!!!!

१	रोहन मंगेशराव चरडे	जिल्हा परिषद उच्च प्राथमिक शाळा (मुले),नेरपिंगळाई
२	कु.संचिता राहुल मोहोकर	जिल्हा परिषद उच्च प्राथमिक शाळा (मुली),नेरपिंगळाई
३	राज ज्ञानेश्वर धुर्वे	जिल्हा परिषद प्राथमिक शाळा, खेड

 

खाजगी व्यवस्थापनाच्या शाळांतील १० विद्यार्थ्यांची  या  प्रवेश परीक्षेतून निवड झाली आहे.

शिक्षण विभाग पंचायत समिती मोर्शी  तर्फे निवड झालेल्या सर्व विद्यार्थ्यांचे  आणि त्यांना मार्गदर्शन करणारे  शिक्षक बंधू /भगिनी  ह्यांचे खूप खूप अभिनंदन !!!!  विद्यार्थ्यांच्या  भविष्यातील  पुढील  वाटचालीस  अनंत  शुभेच्छा.

 

यशोगाथा  १००% तंबाखूमुक्त शाळांचे तालुक्याची
होय, हे शक्य झाले आहे...........
 सर्वप्रथम मोर्शी तालुका
१००% तंबाखूमुक्त शाळांचा तालुका झालेला आहे त्याबद्दल तालुक्यातील सर्व मुख्याध्यापकांचे आणि या अभियानास साहाय्य करणाऱ्या टीम चे मनः पूर्वक अभिनंदन आणि आभार !!!!!
   
आपणास कळविण्यास अभिमान वाटतो की, मोर्शी हा अमरावती जिल्ह्यातील प्रथम तसेच राज्यातील आठवा तंबाखूमुक्त शाळांचा तालुका झालेला आहे. अवघ्या ३ महिन्यांच्या  कालावधीत आपण हे यशाचं शिखर गाठलं आहे. अभियानाला सुरुवात करण्याअगोदर तालुक्यातील फक्त तीनच शाळा तंबाखू मुक्त शाळा म्हणून घोषित करण्यात आलेल्या होत्या. आणि अल्पावधीतच आपण आपलं उद्दिष्ट गाठण्यात यशस्वी झालो.
विशेषतः वरिष्ठ स्तरावरून कुठलाच लेखी
आदेश नाही की कुठलीच जबरदस्ती नाही.
तंबाखू मुक्त अभियानात सर्वांनी स्वयंस्फूर्तीने मनापासून काम केलं आणि हे या अभियानाचं सर्वात मोठं वैशिष्ट.
 अभियानाची पार्श्वभूमी
शासन परिपत्रक दि.०६ जून २०१९ नुसार सर्व शैक्षणिक संस्थामध्ये तंबाखूमुक्त शाळा धोरण राबविणे
आवश्यक आहे.
 अभियानाचं उद्दीष्ट
ग्रामीण तसेच शहरी भागातील मुलांच्या आरोग्यावर चांगला परिणाम करण्यासाठी विविध सामाजिक घटकांना एकत्र करून शाळा तंबाखू मुक्त करणे. यासोबतच शालेय शिक्षणातून तंबाखू नियंत्रण, स्वच्छता आणि पोषणमूल्य या संदर्भात माहिती देणे. आणि समाजात शाश्वत बदल घडवून मूल तंबाखूमुक्त निरोगी आयुष्य जगू शकेल.  .
बालपणी व्यक्तीचं  मन संस्कारक्षम असतं. बालपणी तुमच्या सोबत जे घडते त्यानुसार तुमचे चारित्र्य आणि व्यक्तिमत्त्व आकार घेते. आणि तेच तुमच्या जीवनावर राज्य करते. शाळा तंबाखू मुक्त करतांना अनेकांच्या मनात असा प्रश्न आला असेल की, मी किंवा माझे विद्यार्थी तंबाखूजन्य पदार्थांचे सेवन करीत नाही तेव्हा शाळा तंबाखू मुक्त करण्याची गरजच काय? पण या कार्यक्रमातून आपण त्या बालमनावर तंबाखू सेवनाची दाहकता कोरली आहे. ज्या योगे तो/ती भविष्यात तंबाखूच्या व्यसनापासून दूर राहील. आणि तंबाखूचे दुष्परिणाम, चांगले आरोग्य या बाबतचे ज्ञान आत्मसात करून स्वतः तंबाखू मुक्त आरोग्य संपन्न जीवन निर्वाह करतील.
 अभियानाची अंमलबजावणी
तालुक्यातील  सर्व शाळांपर्यंत योग्य माहिती पोहचविण्यासाठी तसेच सलाम मुंबई फाउंडेशन च्या app वर  पुरावे सादर करण्याच्या प्रक्रीये विषयी साहाय्य करण्यासाठी तंबाखू मुक्त तालुका टीम चे गठन करण्यात आले. या टीम मध्ये
१) श्री. मनीष काळे
२) श्री.राजकुमार खर्चान
३)श्री.दिनेश साबळे.
४) सौ. सीमा पाटील       
५)सौ.प्रियंका काळे
६)श्री. सुरेश डोंगरदिवे
७)श्री. निलेश इंगोले
८)श्री.सूरज अंबाडकर
९)श्री.मुजाहिद फराज.
१०)श्री.श्रीकांत खाजोने
११)श्री.अमित काकपुरे
१२)श्री. मुश्ताक शाह
१३)श्री. धनराज कुंजेकर
१४)श्री. संजय धांडे
१५)श्री. अमोल अर्मळ
 या सर्व सदस्यांना शाळा निहाय जबाबदारी सोपविण्यात आली. शाळांच्या मुख्याध्यापकांनी तसेच शिक्षकांनी अभियानाला उस्फूर्तपणे प्रतिसाद देऊन दि.१५ सप्टे.२०१९ ला सुरु झालेल्या या अभियानाला दि.१२ डिसेंबर २०१९ रोजी पूर्णत्वास नेऊन तालुक्याचे नाव या अभियानात संपूर्ण अमरावती जिल्ह्यात अव्वल स्थानी नेले.
अभियानाची सद्यस्थिती 
पंचायत समिती मोर्शी मधील शाळा बाबत  माहिती
जिल्हा परिषद व्यवस्थापनाच्या १०२ पैकी १०२ शाळा आणि इतर व्यवस्थापनाच्या(नगरपरिषद आणि खाजगी) ३४ अशा एकूण १३६ शाळा आज रोजी पर्यंत तंबाखूमुक्त शाळा म्हणून सलाम मुंबई फाउंडेशन द्वारा मान्यताप्राप्त झालेल्या आहेत.
  होय, आपणा सर्वांच्या सहकार्याने हे शक्य झाले आहे. मी पेक्षा आम्ही हे या तंबाखूमुक्त शाळांचा तालुक्याच्या यशाचं गुपित आहे. जीवनात लहानशी गोष्ट असं काहीच नसतं. बऱ्याचदा अश्या या लहान-लहान गोष्टीच मोठा बदल घडवून आणतात.
💐💐💐💐💐💐💐
विद्यार्थ्यांच्या सर्वांगीण विकासासाठी आपण सर्व कटिबद्ध आहोत या खात्रीसह.........
                                गटशिक्षणाधिकारी
                                   पं. स. मोर्शी

मोर्शीच्या शिरपेचात आणखी एक मानाचा तुरा...........

🙏🙏🙏🙏
    
मोर्शी पंचायत समिती- शिक्षण विभागाच्या शैक्षणिक संकेतस्थळाच्या माध्यमातून मोर्शी तालुक्यातील नवं-नवीन शैक्षणिक घडामोडी,प्रशासकीय पत्रे,नाविन्यपूर्ण उपक्रम त्याचप्रमाणे शाळांची वैशिष्ट्यपूर्ण उपलब्धी आपणापर्यंत पोहचविण्याचा आमचा सतत प्रयत्न असतो. आणि आपण त्यास देत असलेल्या प्रतिसादाबद्दल  आभार......

 जिल्ह्याच्या शैक्षणिक वाटचालीत मोर्शी शिक्षण विभागाने आपलं एक स्वतःच स्थान निर्माण केलं आहे. मोर्शीच्या शैक्षणिक प्रगतीचा आलेख हा सतत उंचावत आहे. आणि नुकत्याच संपन्न झालेल्या जिल्हा आदर्श शिक्षक पुरस्कार सोहळ्यात ह्याचा  प्रत्यय आपणा सर्वांनाच आला. आपल्या मोर्शी तालुक्यातील दोन शिक्षकांना जिल्हा स्तरावरील  वेगवेगळ्या पुरस्कारांनी सन्मानित करण्यात आले आहे.

यावेळी आपण थेट राज्य स्तरावर मजल मारली आहे. आपल्या मोर्शी तालुक्यातील ३ शिक्षकांना हा सन्मान मिळाला आहे.

मनुष्यबळ विकास लोकसेवा अकादमी,मुंबई तर्फे आयोजित राज्यस्तरीय गुणिजन गौरव महापरिषद २०१९ मध्ये  मोर्शी पं.स. अंतर्गत कार्यरत असणारे
१)श्री. मोहम्मद मुजाहिद अब्दुल हमीद (प्र. के.प्र. केंद्र-शिरखेड)

उल्लेखनीय कार्य-

*शिक्षण विभाग मोर्शीच्या संकेतस्थळ निर्मिती मध्ये बहुमूल्य सहकार्य.

*उत्कृष्ट तंत्रस्नेही शिक्षक

*लोकवर्गणीतून शाळेचा भौतिक आणि शैक्षणिक विकास.



*उत्कृष्ट TAG समन्वयक


*स्पोकन इंग्लिश उपक्रम शाळेत यशस्वीपणे  राबविला.

* तंबाखू मुक्त शाळा आणि तंबाखू मुक्त केंद्र  करण्यासाठी महत्त्वाची भूमिका.

*१००% प्रगत शाळा.


२) श्री.निलेशकुमार रामभाऊजी इंगोले(प्र.मु.अ. जि.प.प्रा.मराठी शाळा,बऱ्हाणपूर)

*आदर्श जिल्हा शिक्षक पुरस्कार-२०१९ प्राप्त  शिक्षक

उल्लेखनीय कार्य -
 *जि.प.प्रा.शाळा बऱ्हाणपूर-तंबाखू मुक्त शाळा म्हणून घोषित व सलाम मुंबई फौंडेशन मार्फत प्रमाणपत्र  प्राप्त.

*मोर्शी पं.स.च्या शिक्षण विभागाचे संकेतस्थळ   www.educationmorshi.com विकसित करण्याकरिता मोलाचे सहकार्य

*सन्मान प्रेरणेचा –सन्मान गुणवत्तेचा या अमरावती जिल्हा परिषदेच्या उपक्रमांतर्गत मोर्शी तालुकांतर्गत तपासणीत शाळेचा तालुक्यातून तृतीय क्रमांक

*चला चौरस खेळूया या नाविन्यपूर्ण उपक्रमाची गणित विषयासाठी सुरवात.

*प्राथमिक स्तरावरील विद्यार्थ्यांसाठी नाविन्यपूर्ण प्रयोगशाळा निर्मिती.

*समतादूत डॉ.बाबासाहेब आंबेडकर संशोधन प्रशिक्षण संस्था अमरावती मार्फत विविध स्वच्छतेविषयक शिबीर आयोजन व प्रबोधन.

*शाळाबाह्य विद्यार्थी विरहीत गाव ,शाळाबाह्य विद्यार्थी सर्वेक्षणात सहभाग.  

३)श्री जावेद इकबाल जोहर(प.शि.भाषा जि.प.पू.मा.उर्दू.शाळा.नेर पिंगळाई)                           
उल्लेखनीय कार्य-

*अहमदनगर जिल्हा उर्दू साहित्य परिषदे तर्फे सन्मानित

* राज्य ते जिल्हा,तालुका  स्तरावर तज्ञ मार्गदर्शक म्हणून महत्त्वाची भूमिका

* शैक्षणिक गुणवत्ता वाढीसाठी सतत प्रयत्नशील

  वरील तिन्ही शिक्षकांना

 गुणवंत शिक्षक गुरुगौरव  शिक्षकरत्न पुरस्कार २०१९

देऊन सन्मानित करण्यात आले.  दि. १० डिसेंबर २०१९ रोजी मुंबईच्या दादर माटुंगा सांस्कृतिक केंद्रात हा राज्यस्तरीय भव्यदिव्य सोहळा पार पडला.
💐💐💐💐💐💐
पुरस्कार प्राप्त सर्व शिक्षकांचे मनःपूर्वक अभिनंदन.👏👏👏👏

 आपल्या सर्वांच्या पुढील शैक्षणिक कार्यास अनेक शुभेच्छांसह....💐💐💐🏵🏵🏵🏵🏵

शुभेच्छुक,
   शिक्षण विभाग
   पं. स. मोर्शी

💮स्वागतम💮

     स्वागतम 

💮सुस्वागतम 💮
शिक्षण विभाग पंचायत समिती मोर्शी,
www.educationmorshi.com या आमच्या शैक्षणिक व प्रशासकीय संकेतस्थळाच्या माध्यमातून  अमरावती जिल्हा परिषदेचे नवनियुक्त मुख्य कार्यकारी अधिकारी  श्री.अमोल येडगे साहेबांचे मनःपूर्वक स्वागत 🙏🏼.

 "आगमनाने आपुल्या हर्ष-उल्हासीत झाले सर्व जण,
गाठू प्रगतीची नवी शिखरं एकमेकांच्या सहकार्याने आपण "

About:
Res. Mr. Amol Yedge sir (Chief Executive Officer, Z.P Amravati).

Many important posts he held earlier are:

*Directorate Of Information And Technology, Mumbai, Maharashtra.

*Chief Executive Officer, Z.P Beed, Maharashtra.

*Assistant Collector And Project Officer, ITDP, Nashik, Maharashtra.

*Assistant Collector Kalamnuri Sub Division Hingoli, Maharashtra.

💮*💮*💮*💮*💮*💮*💮*💮*💮*💮*💮*💮*💮*💮*💮*💮*💮*💮*💮*💮*

शुभेच्छूक

शिक्षण विभाग पंचायत समिती, मोर्शी (www.educationmorshi.com)

सर्व कार्यालयीन कागदपत्रे,पगार पत्रके,शालेय विद्यार्थी,शिक्षक, व शालेय भौतिक सुविधांची माहिती एका क्लिक वर उपलब्ध. सोबतच, सर्व शाळांचे व शिक्षकांचे हक्काचेे व्यासपीठ. नुकताच आमच्या संकेतस्थळाने 50000 views चा टप्पा पार केला.

 💮*💮*💮*💮💮* 

👆 आवश्य भेट द्या 👆  

💮*💮*💮*💮💮*

जिल्हा परिषद उच्च प्राथमिक शाळा पिंपरी येथील विद्यार्थिनीचे सुयश

पिंपरी ता. मोर्शी ----आजच्या या कॉन्व्हेंट संस्कृती मध्ये गुणवत्ता पूर्ण शिक्षण हे फक्त खाजगी शाळेत किंवा कॉन्व्हेंट मध्येच मिळते असा एक समज दृढ झालेला आहे. पण या (गैर) समजाला फाटा देत जिल्हा परिषद उच्च प्राथमिक शाळा पिंपरी येथील विद्यार्थिनीने घवघवीत यश प्राप्त करत एक नवीन विचार रुजविला आहे. गोरगरीब, सामान्य जनतेच्या जिल्हा परिषदेच्या शाळांनी सुद्धा आता कात टाकली असून स्पर्धेच्या या युगात त्या सुद्धा मागे नाहीत. अशीच एक यशोगाथा आहे ती, कु. सोनम गंफू परिहार हिची. गणित अध्यापक मंडळ जिल्हा –अमरावती तर्फे आयोजित “गणित संबोध परीक्षा- सन-२०१९-२०” मध्ये सोनमने इयत्ता ५ वी तून संपूर्ण मोर्शी तालुक्यातून प्रथम क्रमांक पटकावून जणू काही संदेश दिला आहे की, आम्ही Z.P ची मुलं कुठंही कमी नाही. तिने आपल्या यशाचे श्रेय तिची स्पर्धा परीक्षांची तयारी करून घेणारे वर्गशिक्षक श्री.महेंद्रसिंग सलामे व शाळेचे मुख्याध्यापक श्री.गजानन ठाकरे आणि आई–वडिलांना दिले.  


 

प्रिय,
शिक्षक बंधू आणि भगिनी

   बालकांचा मोफत शिक्षणाचा अधिकार अधिनियम २००९ अन्वये शिक्षण क्षेत्रात काम करणारे आपण सर्व जण आपल्या अधिनस्त  विद्यार्थ्यांना गुणवत्तापूर्ण शिक्षण देण्यासाठी कटीबद्ध आहोतच.आणि आपण सर्व जण त्या साठी प्रयत्नशील सुद्धा आहोतच ह्यात शंका नाही. पण दिवसेंदिवस वाढत जाणारा कामाचा विस्तार जरी तो कालानुरूप अपरिहार्य असला तरीही मात्र कामाची दिशा, जवळ असणारी वेळ आणि उपलब्ध साधन स्रोत ह्याचा ताळमेळ जुळवतांना आपल्या सर्वांच्या नाकी नऊ येतात.आपल्या व्यवस्थेत काम करणाऱ्यांचा हा अनुभव आहे.आणि मग अश्यावेळी नेमकी आपली ही शिक्षण व्यवस्था ज्या मुलांसाठी काम करते त्या मुलांना आपण पुरेसं देऊ शकलो नाही अशी खंत मनी उरते.

मात्र जगात जिला समस्या नाही अशी व्यक्ती नाही,आणि जिचे समाधान नाही अशी समस्या अस्तित्वात नाही.त्या साठी उपलब्ध साधन स्रोत, जवळ असणारी वेळ,आपल्या समस्येचं स्वरूप या सर्वांच नीट आकलन करून उद्दिष्टाप्रत  पोहचता येतं.

अश्याच नाविन्यपूर्ण संकल्पनेतून आपणा सर्वांना दिशादर्शक,नियोजन पूर्ण एक कृतीकार्यक्रम अमरावती जि. प. शिक्षण सभापती  मा.श्री.जयंतराव देशमुख  ह्यांच्या संकल्पनेतून साकारण्यात आलेला आहे.

सन २०१८-१९ पासून अमरावती जि. प अंतर्गत शाळांसाठी सन्मान प्रेरणेचा-सन्मान गुणवत्तेचा  हा कार्यक्रम सुरू करण्यात आलेला आहे. मी माझ्या शाळा स्तरावर विद्यार्थ्यांना गुणवत्ता पूर्ण शिक्षण देण्याच्या दृष्टीने नेमकं काय करायला हवं ह्याचं  दिशादर्शन ह्यात केलेलं आहे. गुणवत्तेला स्पर्श करणाऱ्या सर्वांगाचा समावेश ह्यात करण्यात आलेला असून जी साधनं आपल्या जवळ उपलब्ध आहे,आवाक्यात आहे त्याद्वारे आपल्याला आपल्या उद्दीष्टापर्यंत नेणारे आहे.
 सन्मान प्रेरणेचा-सन्मान गुणवत्तेचा हा कृती कार्यक्रम आपणा सर्वाना निश्चितच मार्गदर्शक ठरून पं. स.मोर्शी अंतर्गत शाळांना खऱ्या अर्थाने गुणवत्तापूर्ण शाळा करण्यासाठी उपयुक्त ठरेल ,आणि आपण सर्वजण ह्या कार्यक्रमात मनापासून सहभागी व्हाल अशी आशा व्यक्त करते.

सर्व शाळांना सन्मान प्रेरणेचा- सन्मान गुणवत्तेचा या कार्यक्रमासाठी मनःपूर्वक शुभेच्छा.💐💐💐
              ग.शि.अ
              पं. स मोर्शी

सोबत सन्मान प्रेरणेचा - सन्मान गुणवत्तेचा प्रपत्र बघण्यासाठी  क्लिक करा.

यशोगाथा लोकसहभागाची





जिल्हा परिषद प्राथमिक मुलांची शाळा हिवरखेड💐💐💐💐💐

आपल्या शाळांमध्ये भौतिक सुविधा असाव्यात असं कुणाला वाटत नाही ? भौतिक सुविधांमुळे विद्यार्थ्यांना सोयी सुविधा तर मिळतातच पण, शाळेचं  बाहयरुप सुद्धा खुलून दिसतं. विद्यार्थी शिक्षक जिथे सहा- सात तास राहतात, तिथे त्यांना मनापासून आनंदानं राहावसं वाटतं.
शाळांमध्ये असावी अशी एक महत्त्वाची सुविधा म्हणजे  हॅण्ड वॉश स्टेशन. कुणाला वाटत नाही  की,माझ्या शाळेमध्ये हँडवॉश स्टेशन असावं? त्यातून विद्यार्थ्याला स्वच्छतेचे संस्कार आपसुकच मिळतात. RTEअंतर्गत शाळेच्या दहा निकषांमध्ये म्हणूनच हॅण्डवॉश  स्टेशन समाविष्ट केले गेले आहे. निरामय आरोग्याची सुरुवात स्वच्छ हातांपासून होते आणि अभ्यासातील प्रगती आणि आरोग्याचा सहसंबंध सर्वमान्य आहेच.

गाव करी ते राव न करी, या उक्तीप्रमाणे लोकसहभागाचे महत्त्व सर्वश्रुत आहेच. अशाच एका यशस्वी लोकसहभागाची कथा म्हणजे जिल्हा परिषद प्राथमिक मुलांची शाळा, हिवरखेड येथे उभं राहिलेलं  हॅण्ड वॉश  स्टेशन. शाळा व्यवस्थापन समितीच्या सभेमध्ये  hand wash station ची  संकल्पना सर्व संमत करण्यात आली. पण पैसा कसा उभारायचा? ही अडचण सर्वांसमक्ष उभी ठाकली. मग या  hand wash स्टेशनसाठी तर एक भन्नाट कल्पना सुचवण्यात आली. याकरीता शाळेतच मंदिरांप्रमाणे दानपेटीत ठेवण्यात आली. दरवर्षी दानपेटी जुलै महिन्यात फोडण्यात येत असे.पण त्यातूनही पुरेसा निधी उभा राहिला नाही. अशा वेळी शाळा व्यवस्थापन समिती अध्यक्ष श्री. गोपालभाऊ मडघे त्याचप्रमाणे गावातील काही शिक्षणप्रेमी मंडळी यांनी भरघोस दान देऊन जवळपास तीस हजार रुपये निधी जमा केला. चांगल्या कार्यास परमेश्वराचं सहाय्य असतं असं म्हणतात, त्याचप्रमाणे गावातील श्री. नंदकिशोर गांधी यांनी या हॅण्डवॉश स्टेशन ला टाईल्स दिल्या. आणि एखाद्या स्वप्नाप्रमाणे हे हँडवॉश स्टेशन उभे राहीले....
लोकांनी लोकांसाठी तयार केलेलं .
आणि या पंधरा ऑगस्टला पंचायत समिती सदस्या मा.सौ मायाताई वानखडे, सरपंच श्री. विजयभाऊ पाचारे,शाळा व्यवस्थापन समिती अध्यक्ष श्री गोपालभाऊ मडके, गावकरी मंडळी पालक यांच्या प्रमुख उपस्थितीत या हॅण्ड वॉश स्टेशन चा उद्घाटनीय सोहळा पार  पडला. आता हे हॅण्ड वॉश  स्टेशन विद्यार्थ्यांच्या सेवेत रुजू झालेले आहे.

ऋणनिर्देश🙏🙏

या विद्यार्थी उपयोगी hand wash station करिता समाजातील ज्या सर्व दानशूर व्यक्तींचे सहकार्य लाभले,त्या सर्वांचे मनःपूर्वक आभार आणि सर्व शिक्षक वृंदांचे अभिनंदन  💐💐

गुणवत्ता विकासासाठी एक प्रयत्न.......शेवगा लागवड

शरीर माध्यम खलू धर्म साधनम.

      शासन विद्यार्थ्यांना अधिकाधिक सकस,दर्जेदार माध्यान्ह भोजन देण्यास प्रयत्नशील आहेच परंतु वैयक्तिक रित्या शाळास्तरावर यासाठी काय करता येईल? यासंदर्भात प्राथमिक शिक्षण विभाग, अमरावतीचे लेखाधिकारी मा.श्री अमोल ईखे यांनी जिल्ह्यातील सर्व शालेय पोषण आहार अधिक्षकांसमोर एक अभिनव प्रस्ताव मांडला तो म्हणजे शाळेतच शेवगा रोप लागवड करणे.  मोर्शी पं.स. च्या गटशिक्षणाधिकारी तथा शा.पो.आ.अधिक्षक अश्विनी पवार यांनी यास सकारात्मक प्रतिसाद देेेऊन तालुक्यातील सर्व शाळांना प्रेेरीत केले.
गुणकारी शेवगा रोपांची लागवड करण्यास मोर्शी पंचायत समिती अंतर्गत शाळांमध्ये सुरवात करण्यात आलेली आहे. आजमितीला सुमारे 40 शाळांमध्ये शेवगा लागवड करण्यात आलेली आहे. आणि या कार्यक्रमाचे वैशिष्ट्य म्हणजे श्रीमती अश्विनी पवार यांच्या संकल्पनेतून हे वृक्षारोपण शाळेतीलच शा.पो.आ. स्वयंपाकी आणि मदतनीस ह्यांच्या हस्ते करण्यात आले आहे, जेणेकरून ही रोप जगविण्याची आणि वाढविण्याची अप्रत्यक्ष जबाबदारी त्यांची. आमच्याही हस्ते वृक्षारोपण घेण्यात आले ही सन्मानाची भावना.
शाळा निहाय मागणीनुरूप प्रत्येक शाळेला रोप पुरविणे याचे सर्व नियोजनाचे श्रेय जाते श्री. सूरज अंबाडकर, सहा. शिक्षक जि.प.पूर्व माध्य.शाळा, पिंपरी यांना!




शेवगा वृक्षारोपना काही क्षणचित्रे


लागवड करण्यात आलेली रोप ही कृषी विभागामार्फत कर्नाटक येथून बोलाविण्यात आलेली असून ह्या रोपांना सहा एक महिन्यात फलधारणा होते. आणखी एक वैशिष्ट्य म्हणजे ह्या शेंगा खाण्यास गोड आहेत. रोप उपलब्ध करून दिल्याबद्दल उमरखेड येथील रोपवाटिकेचे कृषिअधिकारी श्री.वानखडे साहेब ह्यांचे शिक्षण विभागातर्फे  आभार.

🌿शेवग्याचे महत्त्व🌿

 शेवग्याचे झाड लावणे आणि त्याची मशागत करणे अगदी सोपे आहे. शेवग्याचे झाड अतिशय लवकर वाढते. भारतामध्ये बहुतेक सर्व उष्ण, आर्द्र हवामान असलेल्या ठिकाणी शेवग्याचे उत्पादन घेतले जाते . शेवग्याच्या शेंगाही वर्षभर बाजारामध्ये उपलब्ध असतात. शेवगा अनेक कारणांस्तव आरोग्याकरिता अतिशय लाभदायक ठरत आहे. त्यामध्ये असलेली पोषक तत्वे मानवी शरीरामध्ये उद्भवणाऱ्या अनेक व्याधी नाहीश्या करण्यास समर्थ असल्याने जागतिक आरोग्य संघटनेने शेवग्याला चमत्कारी वृक्ष असे म्हटलेले आहे.

साधारण 100 ग्रॅम इतक्या वजनाच्या शेवग्याच्या वाळलेल्या पानांमध्ये तितक्याच वजनाच्या गाजराइतके अ जीवनसत्व, संत्र्यापेक्षा अधिक मात्रेमध्ये क जीवनसत्व, दुधापेक्षा अधिक मात्रेमध्ये कॅल्शियम, केळ्यामध्ये असते त्यापेक्षा अधिक पोटॅशियम, पालाकापेक्षा अधिक मात्रेमध्ये लोह, आणि दह्यामध्ये असतात त्यापेक्षा जास्त प्रथिने असल्याचे म्हटले जाते. थोडक्यात सांगायचे झाले तर शारीरिक स्वास्थ्यासाठी आवश्यक असलेली बहुतेक सर्व पोषक द्रव्ये शेवग्यामध्ये असल्याने याचा समावेश आपल्या आहारामध्ये करणे गरजेचे आहे. शेवग्यामध्ये अनेक प्रकारची जीवनसत्वे आहेत. त्याचबरोबर 8 प्रकारची अमिनो आम्ल, तसेच अनेक प्रकारचे अँटिऑक्सिडंटस, दाहक विरोधी तत्वे आणि फायटोकेमिकल्स आहेत.

शेवग्याचे आरोग्यदायी फायदे:

💐शेवग्याच्या पानांच्या रसाच्या सेवनाने रक्तदाब नियंत्रित ठेवण्यास मदत होते. त्याचबरोबर मधुमेह असणाऱ्या व्यक्तींच्या ग्लुकोज लेवल्स नियंत्रणात ठेवण्यासही शेवग्याच्या पानांचा रस उपयुक्त आहे. शेवग्याच्या पानाचा रस मधाबरोबर घेतल्यास डायरिया, जुलाबावर गुणकारी आहे. या रसामुळे पोटातील कृमींचा नाश होण्यास मदत मिळते. शेवग्याच्या पानांचा रस त्वचेसाठी एन्टीसेप्टिक म्हणूनही वापरला जातो. शेवग्याच्या ताज्या पानांचे लेप करून शरीराच्या ज्या भागावर सूज असेल तिथे बांधल्यास सूज कमी होते. त्याचबरोबर डोकेदुखीचा त्रास उद्भविल्यास शेवग्याची पाने कपाळावर चोळून लावल्यास डोकेदुखी कमी करण्यास  मदत होते.

💐शेवग्याच्या पानांबरोबरच शेवग्याच्या शेंगाही आरोग्यास अतिशय लाभदायक आहेत. या शेंगामध्ये शरीराच्या पोषणासाठी आवश्यक जीवनसत्वे, क्षार आणि इतर पोषक तत्वे आवश्यक त्या प्रमाणात उपलब्ध आहेत. आपल्याकडे सांबारमध्ये किंवा वेगवेगळ्या भाज्यांमध्ये किंवा निरनिराळ्या डाळींच्या वरणामध्ये शेवग्याच्या शेंगा घालायची पद्धत आहे. शेवग्याच्या शेंगांमध्ये भरपूर प्रमाणात कॅल्शियम असल्यामुळे हाडांचे आरोग्य सांभाळण्यास मदत होते. आपल्या आहारामध्ये शेवग्याचा नियमित समावेश करीत असलेल्या व्यक्तींची बोन डेन्सिटी उत्तम राहते.

💐शेवगा रक्तशुद्धीसाठीही अतिशय गुणकारी असून त्यामुळे त्वचेचे आरोग्य उत्तम राखण्यास मदत होते. घसा खराब असल्यास किंवा ब्रॉन्कायटीस चा त्रास होत असल्यास शेवग्याच्या शेंगा घालून तयार केलेले सूप प्यायल्याने आराम मिळतो. गर्भवती महिलांनी शेवग्याच्या शेंगांचा आपल्या आहारामध्ये अवश्य समावेश करावा. शेवग्याच्या शेंगांमध्ये आणि पानांमध्ये असलेली पोषक तत्वे शरीराची रोगप्रतिकारशक्ती वाढविण्यास उपयोगी आहेत. या शेंगांमध्ये असलेली बी कॉम्प्लेक्स जीवनसत्वे (नियासिन, रिबोफ्लाविन, फॉलिक असिड) पाचनक्रिया सुधारण्यास मदत करतात.

💐शेवग्याच्या पानांपासून तयार केलेले सूप अस्थमा आजारामध्ये औषधाचे काम करते.
शेवग्याच्या पानांमध्ये जीवनसत्व 'बी' हे तत्त्व विपुल प्रमाणात असते. त्यामुळे 'तोंड येणे' या आजारात शेवग्याच्या पानांचे आहारातून सेवन लाभदायक आहे.
 
💐मधुमेह, मूतखडा यांपासून ते हृदयरोग, कर्करोग यांसारख्या गंभीर आजारांमध्ये शेवग्याच्या प्रभावी उपयोग होतो.

💐शेवग्याची पानं, फुलं, फळं, बिया साल आणि मूळ अशा सर्वच गोष्टींचा उपयोग आयुर्वेदिक औषध तयार करण्यासाठी होतो.
कोवळ्या पानांची भाजी आतड्यांना उतेज्जना देवून पोट साफ करते त्यामुळे जठराचा कर्करोग टाळण्यासाठी फायदा होतो.
आतड्यातील जखमा भरून काढण्यासाठी उपयुक्त ठरते.
डोळ्याचा आजार कमी करण्यास मदत होते.
शेवग्याच्या फुलांची भाजी हि संधिवात व हाडाच्या आजारावर फायदेशीर ठरते.
शेवगा तिखट, उष्ण आहे तसेच दीपक पाचक आहे. त्यामुळे आतड्यांचा क्षोभ होऊन त्याबाजूस रक्तप्रवाह अधिक होतो. पाचक रसाचा स्त्राव उत्तम होऊन अग्निमांद्यावर चांगला उपयोग होतो.
शेवग्याच्या सालीचा वास उग्र असतो.शेवग्याच्या सालीचा काढा हा रोगात वापरतात.

💐अग्निदिपनासाठी शेवग्याच्या पानांचा किंवा शेवग्याच्या शेंगांचा वापर भाजीच्या स्वरूपात जेवणात करतात शेवग्यामुळे पोटात आग पडते. मिरे आणि मोहरी यांच्याप्रमाणे शेवग्यामुळे विदाह होतो. हे पदार्थ वारंवार खाण्याने पित्त व रक्त बिघडते आणि. (नाक, तोंड, गुद, मुत्र) शरीरातून रक्त बाहेर येते.
शेवग्याचा पानांचा रस आणि मध मोतीबिंदू (कॅटरॅक्ट) झालेल्या रोग्यांसाठी प्रशस्त आहे.
शेवग्याचा पानांचा रस आणि मध मोतीबिंदू झालेल्या रोग्यांसाठी फायदेशीर ठरतो
शेवग्याच्या शेंगांची भाजी पोटातील कृमी होऊ नयेत व झालेले नष्ट व्हावेत यासाठी खावी.

💐कान वहात असेल तर याची फुले सावलीत वाळवून त्यावे वस्त्रगळ चूर्ण करून कानात घालावे.
गळू झाले असल्यास त्यावर याची साल उगाळून लावल्यास गळू जिरते.
पचनक्रियेशी संबंधित आजार शेवगा सेवनाने नष्ट होतात.
शेवग्याच्या पानांचे चूर्ण कॅन्सर आणि हृदय रुग्णांसाठी उपयुक्त औषध आहे. शेवग्याच्या सेवनाने ब्लडप्रेशर नियंत्रणात राहते.
वाळलेल्या शेवग्याच्या बियांचे चूर्ण पाणी निर्जंतुक करण्यासाठी वापरले जाते.
एक ते तीन वर्षांच्या लहान मुलांना आणि गर्भवती महिलांसाठी शेवग्याला वरदान मानले जाते.
शेवग्याची मुळे जंतनाशक असतात.
शेवग्याचे ज्यूस गर्भवती महिलेला देण्याचा सल्ला दिला जातो. यामुळे प्रसूती दरम्यान होणाऱ्या त्रासामध्ये आराम मिळतो आणि प्रसूतीनंतर आईला वेदना कमी प्रमाणात होतात.

💐शेवग्यामध्ये जीवनसत्व 'ए' असते जे सौंदर्यवर्धक स्वरुपात काम करते तसेच डोळ्यांसाठी हे लाभदायक आहे.
चेहऱ्यावर पिंपल्सची समस्या असेल तर शेवग्याचे सेवन करावे.
शेवग्याचे सूप पिल्यास शरीरातील रक्त शुद्ध होते.

श्री. मोहम्मद शरीफ, डॉ. आर. बी. क्षीरसागर व शेख उज्मा ए.
(अन्नतंत्र महाविद्यालय, वसंतराव नाईक मराठवाडा कृषी विद्यापीठ, परभणी)
shareef.foodtech@gmail.com(कडून साभार)

तर आपल्याही शाळेत आपण शेवगा रोप  लावूया,जगवूया आणि शालेय पोषण आहाराचं पोषण मूल्य वाढवूया.
   एक छोटासा प्रयत्न....अशा छोट्या छोट्या प्रयत्नांनीच बरंच काही बदलतं...... चला तर मग एक नवी सुरवात करूया.
          धन्यवाद🙏🙏

गुणवत्तापूर्ण शिक्षणाचा आधार - प्रत्यक्ष अनुभवातून करूया साकार

         कोशिश के बावजूद हो जाती है कभी हार 
         होके निराश मत बैठ यार
         बढते रहना आगे, हो जैसा भी मौसम 
   
पुनश्च  आपणा सर्वांना अनेक शुभेच्छा .... 📖📖📖📖

"पंचायत समिती मोर्शीच्या शिक्षण  विभागाच्या संकेतस्थळाचे मा. शिक्षण सभापती जिल्हा परिषद, अमरावती यांचे शुभहस्ते उदघाटन"

जिल्हा परिषद अमरावती अंतर्गत पंचायत समिती मोर्शीच्या शिक्षण विभागाने नव्यानेच या विभागाचे स्वतंत्र असे  www.educationmorshi.com 
हे शैक्षणिक व प्रशासकीय संकेतस्थळ विकसित केले. मा. श्रीमती मनिषा खत्री, (मुख्य कार्यकारी अधिकारी) जिल्हा परिषद, अमरावती यांच्या प्रेरणेने विकसित केलेल्या या संकेतस्थळाचे औपचारिक उदघाटन आज दिनांक 09/07/2019 रोजी मा.श्री जयंतराव देशमुख (शिक्षण सभापती) जि. प. अमरावती यांच्या शुभहस्ते तसेच मा. श्री रामभाऊ तुरणकर (शिक्षणाधिकारी प्राथमिक) जि. प. अमरावती यांचे उपस्थितीत करण्यात आले.

    सदर संकेतस्थळ श्रीमती अश्विनी पवार (गटशिक्षणाधिकारी) पंचायत समिती, मोर्शी यांच्या नेतृत्वाखाली मोर्शी पंचायत समिती मधील तंत्रस्नेही शिक्षक श्री. मो. मुजाहिद फराज, श्री. सुरज अंबाडकर, श्री. रिजवान सौदागर व श्री. निलेश इंगोले यांनी बाहेरील कोणत्याही तंत्रज्ञाची मदत न घेता तसेच कोणताही खर्च न करता विकसित केले. मोर्शीच्या या तंत्रस्नेही टीमने अत्यंत अभ्यासपूर्वक सर्वसमावेशक असे संकेतस्थळ तयार केल्याबद्दल त्यांचा उपस्थित मान्यवरांच्या हस्ते सत्कार करण्यात आला.

    उदघाटनपर कार्यक्रमात श्रीमती अश्विनी पवार यांनी सादरीकरण केले. मा. जयंतराव देशमुख यांनी या संकेतस्थळाचे मनापासून कौतुक केले. तसेच हा आपल्या जिल्ह्यातील अभिनव उपक्रम असून अमरावती जिल्हा परिषदेस ही अभिमानाची बाब असल्याचे मत व्यक्त केले. तसेच संपूर्ण जिल्ह्यात उर्वरित पंचायत समितींनी मोर्शी तंत्रस्नेही टीमच्या सहकार्याने याच धर्तीवर संकेतस्थळ विकसित करावे असे निर्देशसुद्धा दिले.

     या उद्घाटन तथा सत्कार सोहळ्यास शिक्षण समिती, जिल्हा परिषद अमरावती चे सन्माननीय सदस्य मा. श्री राजेंद्र पाटील, मा. श्री राजेंद्र बहुरूपी, मा.श्री शाम मसराम , मा.श्रीमती अलकाताई देशमुख, मा. श्रीमती पूजाताई येवले, मा. श्रीमती वैशालीताई बोरकर, मा. श्रीमती शिल्पाताई भलावी तसेच श्री अमोल इखे लेखाधिकारी व जिल्हा परिषद अमरावती अंतर्गत सर्व पंचायत समितीचे गटशिक्षणाधिकारी व शिक्षण विभागाचे कर्मचारी वर्ग उपस्थित होते.

  या कार्यक्रमास माननीय मुख्य कार्यकारी अधिकारी यांचे स्वीय सहाय्यक श्री ज्ञानेश्वर घाटे, श्री जयेश वरखेडे व जि.प. IT cell चे श्री संजय राठी यांचे सहकार्य लाभले.

                

जुन महिना----------------
1) SMC मिटिंग आयोजन 24/6
2) पाठ्यपुस्तक व गणवेश वाटप नियोजन.
3) शिक्षक -पालक संघ सभा आयोजन
4) Student pramotion करणे.
5) अनुदानातुन शालेय साहित्य खरेदी करणे.
6) शाळा-लाँगबुक(वर्ग जबाबदारी) भरणे.
7) पटनोंदणी पंधरवडा अभियान राबविणे.
8) पायाभुत परीक्षा पुर्वतयारी.
9) वर्गस्वच्छता व वर्गसजावट उपक्रम
10) वर्ग व शालेय मंत्रीमंडळ निवड
11) शाळास्तरावर आदर्श उपक्रम निवडून वर्षभर अंमलबजावणी  करणे.
12) Staff Attach-deteach करणे.
13) आंतरराष्ट्रीय योग दिन-उपक्रम 21/6
14)इ.1 ली व नविन दाखलात-स्वागतसमारंभ
15) Student Request पाठविणे व coinfirm करणे.
16)शा.पो.आ. करारनामा करणे.
17)शा.पो.आ. मेन्यु /पूरक आहार/धान्यादी माल नियोजन व स्वच्छता ठेवणे.
18) वृक्षारोपन व वृक्षसवंर्धन उपक्रम राबविणे.

जुलै महिना----------------
1) माता-पालक संघ सभा
2) सरल st. request-coinfirm पाठविणे.
3) मीना राजु मंच सभा
4) SMC मिटिंग
5) कथाकथन स्पर्धा आयोजन
6) शा.पो.आ.सभा
7) दिंडी उपक्रम आयोजन
8) पालक सभा आयोजन
9) आदर्श परिपाठ तयारी
10) गुरुपोर्णिमा उपक्रम
11) शिष्यवृत्ती वर्ग सुरुवात 5 वी/8वी
12) नवोद्य विद्यार्थी निवड व वर्ग सुरुवात 5वी
13)पायाभुत चाचणी 1 आयोजन

आँगस्ट महिना------------------
1) Student माहिती online भरणे.
2) शिक्षक -पालक संघ सभा
3) SMC मिटिंग आयोजन
4) स्वातंत्र दिन पुर्व तयारी
5) सरल school portal भरणे.
6) सरल Staff portal भरणे.
7) गोपाळकाला(दहिहंडी)उपक्रम
8) अकारिक चाचणी १ आयोजन
9) प्रगत/अप्रगत उपक्रम(जादा तास) आयोजन
10) लो.टिळक पुण्यतिथी 1/8
11)रक्षाबंधन उपक्रम आयोजन
12) परिसर सहल आयोजन

सप्टेंबर महिना-----------------
1) माता-पालक संघ सभा
2) संच मान्यता portal भरणे.
3) गणपती उपक्रम
4) SMC मिटिंग
5) शाळेत गणेशोत्सव साजरा करणे.
6) वक्तृत्व स्पर्धा आयोजन.
7) शा.पो.आ.सभा
8) मीना राजु मंच सभा
9) पालक सभा आयोजन
10) अल्पसंख्यांक शिष्यवृत्ती online भरणे.
11) पायाभुत online marks भरणे.
12) विद्यार्थी प्रगत-अप्रगत ठरविणे.
13) समाजकल्याण शिष्यवृत्ती online भरणे.
14)  अध्ययन निष्पत्ती उपक्रम
15) शाळेत शिक्षक दिन साजरा करणे.5/9


आँक्टोंबर व नोव्हेंबर महिना--------------------
1) 15 oct वाचन प्रेरणा दिन साजरा करणे.
2) सत्र 1 परीक्षा घेणे.
3) नवरात्र दिवसात परिसर सहल आयोजन
4) स्वच्छता अभियान राबविणे.
5) SMC मिटिंग
6) दिवाळी अभ्यास नियोजन
7) गांधी जयंती साजरी करणे. 2/10
8) नवरात्र भोंडला आयोजन.
9) चित्रकला उपक्रम आयोजन.
10) नवोदय,शिष्यवृत्ती online form भरणे.
11) शैक्षणिक सहल पुर्वतयारी
12) क्रिडा स्पर्धा पुर्वतयारी.
13)  पायाभुत चाचणी 2 आयोजन
14) शिक्षक -पालक संघ सभा
15) पं.नेहरु जयंती 14/11 बाल दिन
16) सरदार वल्लभभाई पटेल जयंती 31/10


डिसेंबर  महिना --------------------
1) माता पालक संघ सभा
2) SMC मिटिंग
3) शा.पो.आ.सभा
4) पालक सभा आयोजन
5) कला व क्रिडा स्पर्धा
6) शैक्षणिक सहल आयोजन
7) Udise+ Online भरणे
8) शाळेचा वार्षिक आराखडा भरणे.
9)अध्ययन निष्पत्ती उपक्रम


जानेवारी महिना------------------
1) शिक्षक -पालक संघ सभा
2) प्रजासत्ताक दिन कार्यक्रम
3) सा.फुले जयंती उपक्रम
4) सांस्कृतिक कार्यक्रम
5) बाल आनंद मेळावा
6) स्वामी विवेकानंद व राजमाता जिजाऊ जयंती.12/1
7)नेताजी जयंती 23/1
8) शिष्यवृत्ती सराव परीक्षा 5 वी/8 वी सरावप्रश्नपत्रिका नियोजन


फेब्रुवारी महिना --------------------------
1) माता पालक संघ सभा
2) शा.पो.आ.सभा
3) पालक सभा आयोजन
4) शिष्यवृत्ती परीक्षा 5वी व 8 वी परीक्षा
5) आकारिक चाचणी 2 आयोजन
6) वार्षिक तपासणी पूर्वतयारी
7) शिवजयंती कार्यक्रम 19/2
8) Udise + online भरणे.


मार्च महिना -------------------------
1) शिक्षक -पालक संघ सभा
2)SMC मिटिंग
3) वार्षिक तपासणी
4) इयत्ता 7 वी/8 वी/5 वी/4 थी निरोप समारंभ
5) शाळेची वार्षिक तपासणी
6) समग्र शिक्षा अभियान खर्च वार्षिक विनियोग
7) SSA online link भरणे.
8) जागतिक महिला दिन 8/3
9) यशवंतराव चव्हाण जन्मदिन 12/3
10) जागतिक अपंग दिन 17/3
11) संत गाडगेबाबा जयंती 4/3
12) वर्गनिहाय सत्र 2 पर्यतचा वार्षिक  नियोजन प्रमाणेअभ्यासक्रम पुर्ण करणे.

एप्रिल महिना -----------------
1) माता-पालक संघ सभा
2)शा.पो.आ. सभा
3) द्वितीय सत्र परीक्षा
4) पायाभुत चाचणी 3
5) माँडरेशन तयारी
6) महात्मा फुले जयंती 11/4
7) पेपर तपासणे.निकाल तयार करणे.
8) शा.पो.आ.वार्षिक एकुणात करणे.
9) आंबेडकर जयंती 14/4
10) नवोद्य परीक्षा 5 वी
11) RTE केंद्र बोर्ड परीक्षा 5 वी व 8 वी

मे महिना ----------------------
1)निकाल जाहीर करणे
2) 1 मे महाराष्ट्र दिन साजरा करणे.
3) पुढील वर्ष वर्गवाटप,
4) शिक्षक कामकाज वाटप -लाँगबुक भरणे.
5) 33 कोटी वृक्षलागवड माहीती online.
6) प्रशिक्षण तयारी-अभ्यासक्रम बदल
7) पुढील शैक्षणिक वर्ष नियोजन.
 ----------------------------------------

जिल्हा परिषद पूर्व माध्यमिक उर्दू शाळा शिरखेड 

येथे टाकाऊ पासुन टिकाऊ उपक्रमाचे आयोजन

पूर्व उच्च प्राथमिक(इ.५वी ) व पूर्व माध्यमिक(इ.८वी) शिष्यवृत्ती परिक्षा , दि.२४ फेब्रुवारी २०१९

अंतिम निकाल व गुणवत्ता यादीबाबतची संक्षिप्त माहिती (प्रसिध्दि पत्रक) Download Pdf👍  शिष्यवृत्ती परिक्षा (५वी व ८वी) 2019 जिल्हा निहाय व तालुका निहाय गुणवत्ता यादी  साठी Click Here👍